होली धमाल : ताऊ के कुछ और कमाल

ताऊ और मेहमान
एक बार ताऊ के घर एक मेहमान आधी रात न आ गया । ताऊ न सोची की इब तो रोटी बनानी पड़ेगी। उसने एक तरकीब सूझी , वो मेहमान तै बोल्या, " हां तो भाई रोटी तो खावेगा ?"
मेहमान बोल्या ," हाँ भाई रोटी तो खावागे । "
ताऊ बोल्या ," कितनी रोटी खावगो ?"
मेहमान बोल्या ," तीन एक बना ले । "
ताऊ बोल्या , " हुम्म्म्म्म , तू तीन रोटी खा लेगा ?"
मेहमान न सोची की ताऊ किमी घणी मोटी रोटी बणादा होगा।
वो बोल्या ," चाल दो तो खा ही ल्युन्गा । "
ताऊ फेर बोल्या ," तू दो रोटी खा लेगा , लागदा तो कोणी ?"
मेहमान न सोची की ताऊ किमी घणी ही मोटी रोटी पौन्दा होगा ।
वो बोल्या , " ताऊ तो फेर एक ही खा लूँगा , तू एक ही बना दे। "
ताऊ फटाक से बोल्या ," र मिरार , क्यों एक रोटी खातर हाथ संड वावेसा , तड़के एक फालतू खा लिए एब सो ज्या । "
************************

ताऊ के घर चोर
एक बार ताऊ के घर में चार बड गए.
सबेरे सबेरे ताऊ थाने में पहुच गया रपोर्ट लिखाण खातर.
दरोगा न उस ते पूछी ," ताऊ के बखत था ?"
ताऊ बोल्या ," थानेदार साहब बखत तो माडा ऐ था ता ऐ तो ये रासे हो गए ."

दरोगा बोल्या ," ताऊ यो बता के बाज्या के था?"
ताऊ बोल्या," के बताऊ थानेदार साहब एक लट्ठ मेरे सिर पे बाज्या और एक तेरी ताई के सिर पे लगया "
दरोगा न अपने गुस्से प कंट्रोल कर के फिर पुछ्या ," ताऊ न्यू बता अक घड़ी प के बाज्या था ?"
ताऊ बोल्या ," घड़ी प तो एक ही टिक्या था व तो एक में ही खिंड गई।"
दरोगा न अपना सिर पकड़ लिया बोल्या ," ताऊ तू सिर्फ़ इतना बता दे की टेम के होया था?"
इब ताऊ न भी छो आ गया वो बोल्या ," र दरोगा तू यू बता अक चोर कदे टेम बता क जाया करें ?"

****************

ताऊ और सड़क

एक बार ताऊ सिर प साफा बांध्या हाथ म लाठी लिया सड़क प जा रिहा था .एक कार वाले न जमा ताऊ क कनी जा के जोर तै हार्न बजाया. ताऊ न जब पिछेय मुड़ क देख्या तो ड्राईवर बोल्या ," ताऊ पाछे न हट ले या सड़क के तेरा बाप की सै?"
ताऊ न भी छो आ गया वो बोल्या ," तो के तेरा बाप की सै ?"
ड्राईवर बोल्या ," हाँ सै ना "
ताऊ अपना लट्ठ ज़मीन मैं ठोक क बोल्या ," तो फेर अपना बाप न बोल अक सड़क थोडी चौडी करवा देगा, यो ताऊ तो न हाल्ले ."